深圳代購ZAKUZAKU送元朗，差啲「翻車」？

最近「反向代購」真係好熱門，我每日WhatsApp同微信都收到好多客想係深圳帶嘢食返香港。尋日，陳小姐就搵我哋幫手，想買深圳萬象城嘅 ZAKUZAKU泡芙。

本來以為係一單普通嘅深港跑腿配送外賣，點知過程一波三折，差啲送唔到。

「消失」嘅泡芙店

溝通嘅時候好順利：提拉米蘇、栗子、草莓、特濃2.0……陳小姐列晒清單。到咗第二日朝早，佢仲想加多單喜識冰糖葫蘆。呢種「順路帶」嘅要求，我哋通常都會滿足。

點知尷尬嘢嚟喇。

跑腿員妹子準時到咗羅湖萬象城，跟住大眾點評個地址搵咗好耐，都係搵唔到ZAKUZAKU個招牌。問咗隔離舖先知，原來呢間店竟然執咗！琴晚睇美團顯示「暫停營業」，我仲以為係收咗工，點知係成間舖無咗。

我即刻聯絡陳小姐同步消息。呢種「翻車」時刻最考耐性，好彩陳小姐好體諒，最後換咗其他美食，加埋佢最想食嘅冰糖葫蘆，任務繼續。

元朗錦田嘅「最後三公里」

今次配送嘅地址比較偏——元朗錦田元崗村。

好多跑腿公司一聽到要送元朗村屋就頭大。點解？因為嗰度好多地方無地鐵，要轉小巴。我哋個跑腿員過關之後，為咗趕陳小姐約定嘅 3:30pm，一路趕路。

點知元崗村啲小巴勁難等，仲要唔可以超載，眼白白睇住兩架車爆晒客開走。雖然最後遲咗少少，但當我哋跑腿員滿頭大汗將冰糖葫蘆同泡芙送到陳小姐手上嘅時候，佢反而同我哋講：「無事，辛苦晒」。

真實嘅服務，就係幫你解決突發問題

當陳小姐send返張美食相俾我嘅時候，我就知呢單Done喇。

好多客問我哋：深港跑腿服務點計錢？其實你買嘅唔單止係時間，而係「即時溝通+應變方案」：

• 舖頭執咗？ 我哋即場報料，幫你諗替代方案。
• 地址太偏？ 只要香港有小巴去到嘅地方，我哋都會盡力送。
• 俾錢麻唔麻煩？ 微信、支付寶直接轉賬，清清楚楚。

今次雖然有啲小插曲，但亦都係呢份真實，令到客人話下次試下送將軍澳。如果你都想飲深圳奶茶、食深圳泡芙，就算你係元朗、粉嶺定係偏遠地區，只要你想食，我哋就敢送！