深圳南山取件，人肉直送香港四季飯店：一件「救命」旗袍的跨境之旅

講真，做深港跑腿咁耐，最驚聽到客同我哋講：「真係好急，晚宴就快開始啦！」

尋日下午，Zerrand（差遣）客服團隊就收到一張咁樣嘅「驚險」Order。客好焦急，話有一件好重要嘅訂製旗袍晚禮服仲喺深圳南山，但佢人已經喺香港四季酒店，今晚宴會一定要著呢件。

「可唔可以即日送到？最快要幾耐？」

我哋嘅答案當然係：可以，即刻出發。

下晝：南山的一場「接力賽」

同客Confirm好時間同地址之後，我哋迅速安排咗離南山最近嘅跑腿同事。深圳交通大家都知啦，好在同事熟路，直奔南山某大廈。

喺一樓大堂等咗大約10分鐘，順利攞到貨。係一個好有質感嘅禮盒，上面寫住「東方 美學 生活」。拎住呢個盒，同事深知責任重大——呢件唔單止係衫，更加係客今晚宴會上嘅「戰衣」。

如果您都有類似嘅加急服裝配送需求，可以參考我哋嘅 深港跑腿送衫價格方案，專人專送其實比想像中更划算。

傍晚：穿越羅湖口岸與港島中環

攞貨之後，我哋嘅專人跑腿即刻前往羅湖口岸過關。

相比起傳統國際快遞（可能要搞幾日），跨境專人直送最大優勢就係靈活。過關、搭港鐵東鐵綫，轉車直達中環站。雖然全程趕時間，但一定要穩，始終手上面拎住嘅係易皺嘅禮服。

呢個亦係點解咁多人選擇我哋 深港跑腿服務 嘅原因，有啲貴重嘢，快遞掉嚟掉去真係唔放心。

18:14：因為「迷路」帶嚟嘅小插曲

由中環站出嚟，行路去香港四季酒店。

就係喺度，出現咗少少插曲。去到酒店Lobby，我哋同事發現聯絡唔到收件人（可能係信號問題，又或者對方忙緊）。當時個心真係離一離，如果耽誤咗客換衫點算？

我哋即刻聯絡落單嘅客，請佢幫手中間協調。好彩無耐，一位後生嘅小姐姐匆匆趕到大堂。

最終交收時間定格喺 18:14。

呢個時間比我哋預估畀客嘅 18:30 仲早咗十幾分鐘。見到對方順利攞走禮服，我哋先鬆一口氣。

寫在最後：香港嘅「魔幻」地形

其實，並唔係每次送件都好似去四季酒店咁好搵。

都要吐嘈下（哈哈），香港嘅建築設計同大陸真係好唔同。大陸建築講究方方正正，導航指邊就係邊。但香港好多大廈，大堂可能喺4樓，甚至起喺半山。有時你明明睇住Google Maps去到樓下，卻發現無入口，要兜大個圈先搵到𨋢。

這對於唔熟悉香港地形嘅配送員嚟講，簡直係噩夢。但Zerrand（差遣）團隊長期往返深港兩地，對呢啲「迷宮」早就瞭如指掌。

無論係加急文件、定係貴重禮服，只要您需要從深圳即日送達香港，搵我哋就啱啦。