順豐唔收件？15本兒童書點樣「人肉」帶返深圳寄廣州

前兩日，微信收到一個客人的緊急查詢，佢劈頭就話：

「你好，我喺香港，想搵人上門收一件私人包裹幫我寄去中國大陸，唔係商業貨，冇發票，收件人亦唔方便提供身份證影印本。請問你哋而家有冇提供星期日上門取件同代寄返內地嘅服務？順豐話唔收呀！」

其實呢個情況喺香港非常普遍。今次客人嘅物品係大約6公斤重、一共15本兒童圖書，目的地係廣州黃埔區。

點解大物流公司唔肯寄書？

書本、雜誌呢類印刷品，過關去內地其實好麻煩。海關對書籍嘅審查好嚴，加上數量限制（自用通常限幾本），如果係成箱寄，好大機會被扣關或者退回。大公司好似順豐，為咗費事解釋同承擔風險，見到冇發票又多書嘅，通常都會直接拒收。

客人話：「係囉，順豐都係咁講，所以我先搵你哋幫手。」

我哋嘅解決方案：分批帶貨

雖然客人好急，但我冇隨便應承話「聽日到」。做深港跑腿，最緊要係穩陣。

我同客人解釋：「15本書一次過帶過關，風險太高。我哋建議先把書帶返深圳，但唔係一次過，而係分幾次帶，咁樣最安全。」

方案係咁樣：

1. 香港上門收件：先去酒店攞咗貨先。
2. 分批過關：由我哋團隊成員分批將書「人肉」帶返深圳。
3. 深圳代寄：書齊咗喺深圳之後，再搵國內快遞寄去廣州。

客人明白過關嘅難處，話只要寄到就得，時間耐少少都冇問題。

旺角登打士街假日酒店交收

因為客人行程好趕，佢將書打包好之後，直接放咗喺旺角登打士街1號嘅假日酒店前台。

佢問我要留咩名，方便我哋同事去攞。我即刻安排咗負責香港本地跑腿嘅同事名俾佢。下午3點幾，客人Send咗兩張相嚟，個箱已經安安全全放咗喺前台。

深圳發貨，有圖有真相

當日我哋就將書攞返香港倉庫，即日開始安排人手帶貨。

第二日，廣州個收件人聯絡我，問我有冇單號。我同佢講：「琴日已經帶咗一部分返深圳，今日或者聽日會寄出，寄出後會有快遞單號俾你查。」

到咗晚黑九點幾，所有書終於順利到達深圳。我哋深圳嘅同事重新Check過啲書，影咗張「全家福」Send俾客人同收件人，證明15本書一本都冇少，完好無缺。

最後安排到付，Upload單號。搞掂！

客人同收件人都好開心，不停講多謝。其實幫客人解決呢啲「順豐做唔到」嘅難題，正正係我哋存在嘅價值。

你都有野想寄返內地但物流唔收？
無論係圖書、藥油定係其他私人雜物，如果你需要專人幫你帶貨過關寄返大陸，歡迎隨時搵澤蘭得跑腿傾傾。